Adunay gihimong imbestigasyon si PN Roa National High School Principal Jerson Herrero aron nga masayran ang mga gang nga anaa sulod sa tunghaan.
Matud ni Herrero, kini aron iyang ma-coordinate sa barangay ug kapolisan tungod kay nagkinahanglan na kini og dinalian nga aksyon.
Dugang pa ni Herrero nga sa karon nga enrollment, dako kaayo ang pag-increase sa mga estudyante nga moabot sa 40 percent ang gitaas.
Sa karon adunay 2,061 ka mga estudyante ang PN Roa National High school, nga gitunga sa morning ug afternoon session.
Giangkon ni Principal Herrero nga naghimo siya og kaugalingong imbestigasyon sa pagpanunggab nga nahitabo sa ilang tunghaan.
Matud ni Herrero nga sa karon aduna siyay gibutang nga tulo ka prefect of discipline kay sa matag semana adunay gakahitabo nga mga ginagmay nga insidente sa tunghaan.
Dugang pa ni Herrero nga trabaho sa tulo ka prefect of discipline ang pagrecord sa mga basic violation sa mga bata, ug maoy magpahimangno nga maghimo sa maayong gawi.
