PRISAA, Brigada Eskwela 2019 gipangandaman

Davao City – Andam na ang syudad sa Davao labi na ang Department of Education (DepEd) sa ipahigayong 63rd National Private Schools Athletics Association (PRISAA) Games 2019.

Ang PRISAA National Games usa ka annual sport’s competition alang sa mga student-athletes gikan sa mga pribadong eskwelahan sa 17 ka mga rehiyon sa Pilipinas.

Nasayran nga karong umaabot nga Mayo 19, 2019 hangtud Mayo 24, 2019 ipahigayon ang dakong aktibidad.


Sumala pa ni National PRISAA president Ma. Lita Montalban, nga sa nakalabay pa nga tuig, 2018 nakipag-alayon na ang National PRISAA board sa nagkadaiyang ahensya sa preparasyon sa maong national sporting event. Sumala sa opisyal kung si kinsa ang host sa National PRISAA Games maoy mupadagan sa aktibidad samtang tanang regional PRISAA presidents ang magsilbing chairperson sa nagdaiyang sports sa event.

Nasayran nga anaa sa 7,500 nga mga atleta ug mga coaches gikan sa mga participating regions ang gilauman sa maong dakong aktibidad sa paugnat sa kusog.

Sa laing bahin karong May 20, 2019 hangtud sa May 25, 2019 ipahigayon sa DepEd ang Brigada Eskwela 2019 sa temang “Matatag na Bayan para sa Maunlad na Paaralan.”

Ang Brigada Eskwela usa ka National Schools Maintenance Week nga tumong ang pagdasig sa mga education stakeholders sa pagpartisipar ug pag contribute sa ilang oras ingon man mga resources sa pag-andam sa mga public school facilities sa pag-abri sa school year 2019-2020 sa bulan sa Hunyo.

RadyoMaN Kirby Manzon

Facebook Comments