Report ni: Tita Jen Palomo Debaja
Nag plead guilty kahapon Pebrero 13,2018 sa Kowloon Court si Semira Arlene Tejada sa pagkawat sang HK$200,000 (US$25,570) nga cash sang iya employer sa ila flat sa Phoenix Court , Broadcast Drive, Kowloon Tong sang nagligad nga Oktubre 2017.
Base sa balita sa SingTao Daily, gin aku sang pinay nga gin remit niya ang katunga sang kwarta sa Pilipinas kg ang iban gingasto diri sa HK. Isa ka local inventor ang amo sang pinay nga ginkilala kay Vani Li Wai-yan. Sa panaysayon ni mister Li, ginbilin sini ang cash nga nagabalor HK$200,000 sa dining room apang wala na ini sang iya pagbalik.
Nagduda ini sang nadiskubre nga nagbakal sang airticket si Tejada pauli sa Pilipinas sa kantidad nga $5,600 apisar pila palang ini kabulan sa Hong Kong.
Gilayun nagtawag ini sang police para imbistigaran si Tejada nga nag tuad sa interogasyon nga $110,000 nga cash ang ginremit niya sa pamilya sa Pilipinas kg ang nabilin gingasto niya sa Hong Kong.
