Ang tinuig nga penitential procession nga “Walk With Jesus” gipahigayon nga malinawon pasado alas 4 karong buntaga, Enero 11. Liboan ka mga deboto ang miuban sa prosisyon nga gabitbit og klase klaseng imahe ni Sr. Sto. Niño.
Gikan sa Fuente Osmeña Circle padung sa Basilica Del Sto. Niño gipahigayon ang maong prosisyon. Pag alas 5:30 pud sa buntag gisugdan ang labing una nga novena mass alang ni Sr. Sto. Niño. Ug gipahigayon pud ang installation sa Hermano ug Hermana Mayores.
Mga schedule sa novenas masses sa buntag: 5:30, 7:00, 8:30, 10:00 ug 11:30. Alang pud sa hapon mao ni: 1:00, 2:30, 4:00, 5:30 ug 7:00 sa gabii.
Amoang gihinaot nga motambong unta ta sa misa kauban ang pamilya o hegala para masinati nato ang FAITH ug GUGMA sa ubang mga deboto. Unya makahinoktok pud ta sa importanteng pagtulon-an pinaagi sa kinabuhi sa batang Hesus.
Kamo idol nakasuway na ba mo og simba sa Novena Mass? Nakompleto nimo ang 9 Novena Masses idol? Hinaot pa kompletohon nimu karong tuiga.
Viva Pit Señor!!!
