Private armed groups sa probinsya sang Iloilo, ginabantayan sang kapulisan agud indi magamit sa maabot nga eleksyon

Ginabantayan karon sang Iloilo Police Provincial Office ( IPPO) ang apat tubtob lima ka mga private armed groups sa probinsya sang Iloilo.

Ini bangud ginakahangaw-an nga gamiton ang mga ini sang iban nga politiko karon nga nagahilapit ang eleksyon.

Suno kay IPPO Director PSSupt Marlon Tayaba, ‘inactive’ ang status sang ginatumod nga mga private armed groups apang padayon nila ini nga ginabantayan.

Ginpasiguro man ni t=Tayaba nga sinsero ang kapulisan sa pagtuman sang ila katungdanan agud mangin malinong ang palaabuton nga eleksyon.

(pctto)