PRO-10, gisiguro nga nabansay ang kapulisan kabahin sa mga insidente sa illegal nga pagpabuto sa armas

20
Gisiguro sa Police Regional Office (PRO)-10 nga nabansay ilang mga ginsakupan kabahin sa dili pagpabuto og armas sa walay tarong nga rason sa padangatayng bag-ong tuig.

Kini ang giklaro ni PLTCOL. Michelle Olaivar, Spokesperson sa PRO-10 atol sa interview sa RMN DXMB Malaybalay.

Sumala ni Olaivar nga sa wala pa sila gibuhian, gibansay usa sila sa importansya sa dili paggamit sa armas sa walay saktong rason.

Dugang pa ni Olaivar nga dili kinahanglan ibaylo sa mga kapulisan ang maong mga insidente sa ilang pagpanerbisyo sa katawhan.

Dugang pa ni Olaivar nga ang Muzzled-Taping gipahigayon lang sa wala pa ang kapaskuhan aron nga malikayan ang maong mga insidente.

Sa pikas nga bahin, hugot usab nga gipatuman sa kapulisan sa Rehiyon-X ang pagbawal sa mga illegal nga pabuto diin walay nakompiska sa mga nagkadaiyang tindahan sa rehiyon.



Dugang ni PLTCOL. Olaivar nga aduna lay usa ang natala nga insidente sa firecracker-related incident sa entiro Rehiyon.

Panghimangnu usab ni Olaivar sa katawhan nga dili na maggamit og mga pabuto nga gibawal sa otoridad aron nga mahilikay sa bisan unsa mang insidente sa pagkabuthan ug aron nga magpabilin nga malinawon ang pagselebrar sa bag-ong tuig.

Facebook Comments