Wala pay idea ang mga top ranking official sa Police Regional Office sa Northern Mindanao kon unsa nay update sa kasong frustrated Murder nga gipasaka ni Supt. Michael John Deloso batok sa duha ka mga police officers sa Camp Alagar.
Matud si Camp Alagar Spokesman Supt. Surki Sereñas nga wala pay update reports nga ilang nadawat sa kaso nga gipasaka ni Deloso.
“Korte ra ug mga concern individuals ang nasayod” matud ni Sereñas.
Apan matud ni Regional State Prosecutor Merlyn Uy nga wala pa ma-resolve sa City Prosecutors Office ang kaso nga gi-file ni Deloso batok nila SPO1 Ian Quitoriano ug PO3 Elmer Arabe.
Si Deloso nga Deputy Chief sa Camp Alagar’s Regional Police Strategic Management Unit, maoy nag-akusar nilang Quitoriano ug Arabe nga nagpusil kaniya mga alas nuybe sa buntag niadtong Nobyembre 20, 2018 duol sa Misamis Oriental Provincial Capitol samtang nagmaneho siya sa iyang color puti nga Urvan Van, vehicle.
Niadtong Disyembre sa milabayng tuig, si Deloso nag-file sa kaso batok nilang Quitoriano ug Arabe human sa kapin usa ka bulan nga gipusil siya sa duha ka mga suspected police officer.
Matud ni Uy nga pending pa ang Preliminary Investigation sa kaso ni Deloso human ang duha ka mga suspects nag-file sa ilang counter affidavit.
Gibutyag ni Uy nga ang 3-man Investigating Panel sa City Prosecutor’s Office nga gitukod ni City Chief Prosecutor Charisse Bito-on ang gihatagan sa 60 days period aron ilang i-resolve ang kasong gi-file ni Deloso batok nilang Quitoriano ug Arabe.
Wala ibutyag ni Uy kon kanus-a matapos ang 60 days period nga gihatag ni Bito-on, gawas lamang sa iyang pag-ingon nga ang pag-ihap sa 60 days period didto magsugod sa pagtukod ni Bito-on sa iyang 3-man investigating panel.
Gitukod ni Birto-on ang iyang 3-man investigating panel, niadtong unang semana sa bulan sa Enero 2019 human gi-file ni Deloso ang iyang reklamo niadtong milabayng pasko sa Disyembre 2018.
Apan matud ni Uy nga posibling mo-abot pa sa 90 days period ang Investigation sa fiscal’s office kon daghang issues nga i-resolve sa panel of investigators.
“Kon wala nay daghang Issues to be resolve during thePreliminary Investigation, most probably the resolution of the case will come out on or before 60 days period, weather the case will be dismissed or i-file sa court, but if daghang issues concerned, basin mo-abot ang Investigation sa 90 days period” matud ni Uy.
