Davao City – Usa ka semana una ang eleksyon, andam na ang kapulisan sa Rehiyon 11 alang sa umaabot nga May 13 midterm elections.
Sumala ni Police Regional Office (PRO-XI) Regional Director Brig. Gen. Marcelo Morales, karong adlawa gipahigayon ang send-off ceremonies sa mokabat sa 6,800 ka mga security forces kinsa gitahasan nga magbantay sa managlahing voting precincts sa tibuok Davao region.
Gikanayon ni Morales nga bantay-sarado na ang mga election paraphernalia lakip na ang vote counting machines aron masiguro nga walay tikas mahitabo.
Segun sa maong hepe nga nagpadayon ang Random Mobile Checkpoints ug Joint AFP-PNP Checkpoints aron malikayan ang pagpayuhot og mga iligal nga armas ingon man droga pasulod dinhi sa syudad sa Davao diin kapin 200 ka mga checkpoints ang gina-establisar matag adlaw.
Gawas niini, mag deploy usab og High Speed Tactical Jet ang Philippine Coastguard sa coastal areas sa Davao Oriental, Davao del Norte, Davao del Sur ug Davao City ilabi na nga bulnerable kini sa mga iligal nga transaksyon.
Sa pikas bahin, gi-awhag ni Morales ang katawhan nga mupartisipar ug mutabang kanila alang sa luwas, han-ay ug patas nga piniliay.
“Hinihiling ko din ang suporta ng ating mga kababayan na ang tagumpay ng election nakasalalay sa pagtutulungan ng lahat at makakaasa na an gating kapulisan ay magagampanan ang kanilang mga tungkulin upang ma-ensure ang safe and fair elections ngayong May,” segun niini.
RadyoMaN Jason Amisola
