Davao City- Gipasigarbo sa Police Regional Office 11 nga nagmalampuson ug nagmalinawon ang duha ka mga dagkong aktibidad ang Barangay ug Sangguang Kabataan Elections (BSKE) ug Kalagkalag karong tuiga.
Gibutyag ni Police Major Catherine Dela Rey, tigpamaba sa PRO 11, walay untoward incidents sa mga sementeryo ug no Election related violence nga narekord sa usa ka semanang aktibidad.
Sumala ni Dela Rey, nakabalik na usab ang 150 ka mga personnel sa PRO 11 nga gipadala sa Bangsamoro Autonomous Region in Muslim Mindanao (BARMM) aron mutabang sa pagpatuman sa hugot nga seguridad.
Wala gikanaog sa kapulisan sa rehiyon ang taas nga alerto ug magpabilin gihapon ang deployment sa kapulisan hangtod sa Nobyembre 5.
Nagpasalamat ang PRO 11 sa mga kaubanang mga security sectors ug sa kooperasyon sa publiko aron mamahimong hapsay ang entero rehiyon.
RadyoMaN Aimee Guinita
Facebook Comments
