Matud sa PRO 11 nga ilahang girekognisar ang kaisog ug dedikasyon sa mga police officers sa pagbutang sa peligro sa ilahang mga kinabuhi para sa ilahang gipanumpaang trabaho.
Ang nasangpit usab nga brutal nga pagpangataki niangol og laing ubang pang nga niresponding mobile crew members, nga sila PCpl Ken Leo Diango Gumanoy ug mobile driver nga si Donald Ombrete.
Mutanyag usab ang PRO11 og immediate assistance para suportahan ang pamilya sa mga samdan ug namatay nga Calinan Police Station personnel ug mobile crew.
Gibisita ni Regional Director Police Brigadier General Alden Delvo ang mga samdang personahe nga naka-confine sa ospital sulod kampo.
Niapelar ang PRO 11 sa publiko nga hunongon ang pagpasa ug pag-post sa mga sensitibong mga videos ug pictures sa social media ug uban pang platforms subay sa insidente silbing pagrespeto sa mga biktima ug sa ilahang pamilya.
Gikasubo usab sa entero kapulisan sa rehiyon ang kamatayon sa ilahang namatay nga tropa ug gipaabot ang ilahang kinasingkasing nga pahasubo sa mga pamilya sa gipamatay nga pulis.
RadyoMaN Aimee Guinita
