Davao City – Bisan paman og nagkagamay na ang mga sakop sa teroristang CPP-NPA-NDF dili gihapon buot magkumpiyansa ang kapulisan sa rehiyon onse.
Gani, subling mag gipahugtan pa sa Police Regional Office Davao Region ang pagpatuman sa hugot nga siguridad sa tanang dapit sa rehiyon aron dili makahimo sa panghase ang teroristang CPP-NPA-NDF.
Sanglit wala gipadaplin ang posibilidad nga mupahigayon og surpresa nga pangatake ang mga komunista batok sa mga otoridad aron hatagan og kinabuhi ang ilang pagselebrar sa ika-50th ka tuig nga anibersaryo nga mahitabo sa Disyembre 26.
Gimandoan ni PRO 11 Deputy Director Police Senior Superintendent Nolasco Bathan ang tanang pulis nga mag-alerto aron dili maisahan ug malupik sa posibling pagsulong sa CPP-NPA-NDF sa mga istasyonan sa kapulisan sa tibuok rehiyon onse.
Gipagawas ang direktiba sa Deputy Director human gibanhigan sa teroristang CPP-NPA-NDF ang kapulisan sa lungsod sa Libmanan sa Camarines Sur niadtong Nobyembre 17 kung asa unom ang nasamdan.
Buot usab ni PRO 11 Director Police Chief Superintendent Marcelo Morales nga magmalinawon ug luwas ang katawhan sa pag-selebrar sa kapaskohan ug sa bag-ong tuig sunod buwan.
RadyoMaN Joel Viray
