PRO-12 may pahimangno sa kapulisan human gipusil ang usa ka Police sa Esperanza, Sultan, Kudarat

34

General Santos City–Nagpahimangno karon ang pamunuan sa Police Regional Office -12 ngadto sa kapulisan nga magdoble sa pagbantay sa ilahang seguridad human ang kamatayon ni Police Executive Master Sgt. Arnold Paclibar nga nakabase sa Esperanza Municipal Police Station.

Sumala kang Police Lt. Col. Lino Capellan, tigpamaba sa PRO-12 nga dili gyud malikayan nga adunay magbinuang sa checkpoint hilabina nga mas gipahugtan karon ang pagbantay tungod sa bahad sa Covid-19 ug anti-criminality campaign sa kapulisan.


Apan gibutyag niya nga gawas sa kapulisan nakig-alayon na usab sila sa mga force multifliers aron nga mahimong kaabag sa pagbantay sa checkpoint.

Dugang pamahayag ni Lt. Col. Capellan nga gustuhon man nilang dugangan ang pwersa sa kapulisan sa mga checkpoint, aduna usab daghang kinahanglan nga hatagan ug pagtagad.

Gani nagpabilin matud pa nga kulang ang ihap sa kapulisan sa rehiyon rason nga ilaha nalang gina-maximize ang pwersa sa matag Police Station.(LVR)

Facebook Comments