PRO-18: Dugang nga mga pulis ihaboy sa Mindanao

153

NEGROS OCCIDENTAL – Dugang nga mga pulis nga naka assign sa Negros Island Region NIR ang natalana nga igahaboy naman sa Mindanao.
Suno kay NIR Police director Police C/Supt. Renato Gumban may dugang pa nga mga police nga na-ulamid sa supplemental affidavit sang nadakpan nga bagman sang Berya Drug Syndicate nga si Ricky Sereño nga nagbalaton sang payola.
Nahibaluan nga may 35 na ka mga pulis nga gindalahig si Sereño kag ang pila diri sa ila ang natigayon na nga masaylo sa Autonomous Region in Muslim Mindanao (ARMM) kag Cordillera Administrative Region (CAR).
Sa karon may 41 na ka pulis ang gintapok sa ARMM, apang 15 sa mga ini ang wala nagreport.
Ginpahayag naman ni Philippine Drug Enforcement Agency (PDEA) consultant Mayor Magdaleno Peña sang Moises Padilla nga may gindugang naman si Sereño sa iya affidavit sa diin indi lang pulis ang naulamid kondi pati na mga politiko, piskal kag mga judges sang korte. ./DYHB – BACOLOD
{CAPTION}

Facebook Comments