Irresponsable nga pahayag.
Ini ang sabat ni PRO-6 Director Brigadier General John Bulalacao sa akusayson sang kampo ni Congressman Ferj Biron nga nagaserbe ang mga pulis nga private armed groups sang mga Defensor.
Ang pahayag ginhimo ni Bulalacao bilang reaksyon sa pagtawag sang Chief of staff ni Biron nga si Mr. Lemuel Fernandez nga kaangay nga mga private armed groups sang mga defensor ang kapulisan matapos gin-deployan sang SWAT team ang ancestral house sang mga Biron sa Barotac Nuevo sang damlag lamang.
Paathag ni Bulalacao nga nagatuman lamang sila sang ila obligasyon kag nagaresponder sa reklamo sang mga pumuluyo.
Ginpanginwala man sang Opisyal nga nagatutok lamang sila sa mga Biron bangud sa pagkamatyuod gin-aktuhan man nila ang reklamo nga vote buying sa Cabatuan, Lambunao kag MIna batuk sa mga Defensor.
Sa pihak sang mga akusasyon sa kapuolisan, ginpanindugan ni Bulalacao nga ginatutukan nila nga malab-ot ang iya handum nga mangin malinong, matawhay, tampad kag credible ang eleksyon sa bilog nga Western Visayas sa maabot nga lunes.
