Tanan nga hampang o sugal sa idalum sang PCSO iligal na sugod subong nga adlaw, Hulyo 27, 2019.
Angut sini, ginmandu-an niPpolice Brigadier General Rene P. Pamuspusan, Regional Director sang Police Regional Office 6 (PRO-6), ang tanan nga Provincial kag City Directors nga gilayon pauntaton ang tanan nga sugal kag gaming operations sang Philippine Charity Sweepstakes Office (PCSO) kag mag-submit ang mga ini sang report of compliance.
Ini bilang pagsunod sa mandu sang PNP national headquarters base man sa ginpaguwa nga mandu ni Presidente Rodrigo Duterte kagab-i, Hulyo 26, 2019 nga ginabawi sini ang tanan nga franchise kag lisensya sang mga sugal sa idalum sang PCSO kaangay sang lotto, STL, peryahan ng bayan, keno kag iban pa gani makabig na ang mga ini karon nga iligal.
Ang sin-o man nga madakpan nga nagahampang o nagapataya ang arestohon kag kasohan sa paglapas sang PD 1602 as amended by RA 9287 ukon illegal gambling.
Samtang, ginahingyo man ni General Pamuspusan ang publiko nga magkooperar kag magbulig sa pagpalapta sa mandu sang Presidente agud malikawan ang problema sa lubos nga pagpatuman sini.
