*Ginmanduan sang Police Regional Office 6 ang mga pulis nga mag-coordinate gid sa Philippine Army agud malikawan ang mis-encounter kaangay sang natabo sa Samar.*
*Suno kay PSupt. Joem Malong, spokesperson sang PRO-6, nagpagwa sang deriktiba si PRO-6 Director PCSupt. John Bulalacao sa mga pulis nga mag-coordinate kag mag-communicate gid sa Philippine Army kon maghiwat sang operasyon ilabi na sa mga lugar nga may presensya sang AFP .*
*Dugang pa ni Malong nga nagakadapat gid nga magpahibalo ang kapulisan kon sa diin ang ila location kag target areas agud indi magsalangisag kag malikawan ang mis-encounter.*
*Madumduman nga anum ka pulis ang napatay sang ila na-engkwentro ang mga suldado sa Sitio Lonoy, Barangay San Roque , Sta. Rita, Samar kahapon.*
(photo from web)
