Indi mahangpan sang Police Regional Office 6 kon ano ang balasehan ni Vice-President Leni Robredo sa pagtawag sa war on drugs sang gobyerno nga “failure”.
Ginpahayag ni Police Regional Office 6 spokesperson Lt. Col. Joem Malong nga malayo na ang nalab-ot sang kampanya kontra sa ilegal nga druga sa masobra tatlo ka tuig diri lamang sa western visayas.
Ginhinambit ni Malong ang masobra 90 milyones pesos nga balor sang ilegal drugs nga nakumpiskar sang PNP kag PDEA sang nakaligad nga 2019 kag masobra 900 ka high value targets ang nadakpan kag 105 na lamang ang nabilin.
Bangud sa pahayag ni Robredo, ginhatagan pagtamod ni Malong nga labi pa nga pasangkaron sang PRO-6 ang operasyon kontra illegal nga druga sa rehiyon lakip na ang iban pa nga mga programa sang PNP batuk sa illegal drugs.
