NEGROS OCCIDENTAL – Natalana nga iga release sang Police Regional Office 6 ang kapin 5 mil tanan ka mga stickers angut sa pagsugod na sang ila Clean Rider Campaign.
Suno kay PRO-6 Spokesperson, P/Supt. Joem Malong nga target sang amo nga kampanya sang police regional office ang kapin 230 mil tanan ka mga rehistrado nga motor sa bilog nga Western Visayas.
Pahayag ni Malong nga ini nga mga stickers ang maga-serbe nga passes agud indi na pag-i- interrogate sang pulis sa checkpoint apang iga-check naman gihapon ang OR/CR kag lisensya sang driver.
Samtang, ang sticker nga gin-butang sa motor, ang may kapares naman nga sticker nga yara sa driver license sang tag-iya sang motor.
Ang tanan nga record sang motorsiklo kag driver ang naka-save naman sa centralized database sang Philippine National Police agud madasig naman nga ma-identify kon sin-o ang tag-iya sang motor nga ma-involved sa anuman nga krimen ukon aksidente./PCR NOPPO photo
