Malinong kag matawhay ang Western Visayas.
Ini ang ginpasiguro ni Police Supt. Gilbert Gorero, spokesman sang Police Regional Office- 6.
Suno kay Gorero, wala sang mga dalagkuan nga krimen nga natabo sa Western Visayas magluwas na gid lamang sa natabo sa Maasin Municipal Police station kon sa diin ginsulod ini sang pila ka miyembro sang rebelde nga grupo.
Ginpasiguro ni Gorero nga ginahimo sang PRO-6 ang ila katungdanan agud indi madagtaan ang kalinong sang bilog nga rehiyon.
Dugang pa ni Gorero nga ideal for business ang rehiyon 6 kag wala sang dapat kabalak-an ang mga pumuluyo.
Sa karon, nagapadayon ang ila programa nga Tokhang Reboot agud matinluan ang rehiyon sa mga nabilin pa nga mga drug personalities.
Facebook Comments
