Lubos nga nagakasubo karon ang Police Regional Office 6 sa pagtaliwan ni Police Col. Marlon Tayaba, anay Provincial Director sang Iloilo Provincial Police Office.
Sa statement ni PRO-6 Director Police Brigadier General Rene Pamuspusan, ginpahayag sini nga nagakasubo ang bug-os nga puwersa sang PRO-6 sa pagtaliwan sang isa sa mga maayo nga senior Officers.
Suno kay Pamuspusan nga daku ang nahimo nga Col. Tayaba sa organisasyon pinaagi sa mga dalagku sini nga mga accomplishments.
Gindugang pa ni Pamuspusan nga pagadumdumon sang PRO-6 si Col. Tayaba indi lamang sa iya mga achievements kundi bisan sa iya man nga dedikasyon sa serbisyo kag bilang isa ka maayo nga opisyal kag mentor sa iya mga junior officers.
Nagtaliwan si Tayaba samtang naka-confine sa Iloilo Mission Hospital bangud sa balatian nga colon cancer.
Labi nga gindayaw si Tayaba sa iya pagpamuno sa pagtapna sa Drug Lord sa Bakhaw, Mandurriao nga si Richard Prevendido sang 2018.
