Nagapasalamat ang Police Regional Office -6 kay Presidente Rodrigo Duterte kasunod sang pagbalik sa kapulisan sang war on drugs.
Suno kay Police Supt. Gilbert Gorero, spokesman sang PRO-6 nga sa sini nga higayon, ila na mapadayon ang nauntat nga mga operasyon sa pag-ayam sa mga illegal drug personality.
Dugang pa ni Gorero nga luyag nila sang transparency sa tagsa nila ka operasyon gani dako nga bulig ang mga body cameras nga ihatag sa mga kapulisan.
Angut sini, ginahingyo sang Police Regional Office – 6 ang ginapahayag nagbulos sa puwesto ni richard prevendido bilang drug lord kag number 1 high value target nga si eErnesto “Erning” Bolivar nga magsungka na sa kapulisan.
Suno kay Gorero , indi na dapat paghulaton ni Bolivar nga ipa-idalom siya sa police operation agud indi mangin masubo ang iya paskwa kag bag-ong tuig.
