PRO 6: Padayon nga naga-operate si Richard Prevendido sang illegal nga droga

362

PRO 6 – Padayon nga naga-operate si Richard Prevendido alyas “Buang” sa iya negosyo sa illegal nga droga apisar nagapanago.

Ini ang pahayag ni Police Regional Office -6 Spokesman PSupt Gilbert Gorero matapos nagkaladakpan sang damlag lang pinaagi sa buy bust operation ang pila ka mga drug personality nga may kaangtanan sa Prevendido Drug Group.


Suno kay Gorero, aktibo pa si Prevendido sa illegal drug trade pinaagi sa iya mga tinawo.

Sa pihak sini, padayon ang pagtutok sang kapulisan kay Prevendido kag nagtukod man sang special team ang PRO-6 agud madakpan ang nasambit nga persona.

Nagpasalig man si Gorero nga padayon ang away sang kapulisan kontra illegal nga droga.

Facebook Comments