Ginatipon karon sang PNP kag PDEA 6 ang mga ebidensya angot sa mga propedad sang ginapahayag Western Visayas number 1 drug lord Richard Prevendido sang brgy. Bakhaw, Mandurriao, Iloilo City.
Suno kay Supt. Gilbert Gorero, spokesman sang Police Regional Office 6, ang mga ebidensya nga makuha sang PNP kag PDEA ang igasubmiter sa Anti-Money Laundering Council (AMLC) agud ma-forfeit pabor sa gobyerno.
Dugang pa ni Gorero, kwestyonable ang pag-angkon ni Prevendido sang madamo nga propedad kag ang iban nakapangalan sa iya himata kag salaligan bangud wala ini sang lehitimo nga source of income.
Indi lang ang propedad ni Prevendido ang ipa-idalum sa forfeiture kundi pati ang yadtong mga imbolbado sa iligal nga druga kaangay sang pamilya Odicta.
Facebook Comments
