Mag-full alert status na ang kapolisan sa Central Visayas sugod karong kadlawon alang sa pag-abot ni Presidente Rodrigo Duterte ugmang adlawa aron motambong sa mga kalihukan sa Labor Day.
Matud ni Police Regional Office -7 Director , Chief Superintendent Robert Quenery kapin sa 400 ka polis ang ilang ipakatap aron mohatag ug seguridad sa palibot sa International Eucharistic Congress Pavillion sa Barangay Mabolo sa syudad sa Sugbu , diin motambong ang presidente ug mga kalihukan.
Samtang pasagdan lang sa PNP ang mga labor group ug militanteng grupo nga mopahigayon ug mga rally ugma , basta magpabilin lang kining malinawon .
Naandan na ang mga labor group nga mohimo ug mga kalihukan pagpahaum sa selebrasyon sa Labor Day.
Facebook Comments
