Apil sa mohinumdum ang Police Regional Office -7 sa ikatulo ka tuig nga kasumaran sa pagkamatay sa 44 ka sakop sa Special Action Force (SAF) sa Mamasapano Maguindanao ugma, Enero 25.
Ang maong adlaw gidiklarar na usab ni Presidente Rodrigo Duterte nga “Day of National Remembrance,” alang sa gitawag usab ug “fallen 44.”
Ang Information Officer sa PRO-7 nga si Supt . Reyman Tolentin, kanhi sakop usab sa SAF sa wa pa madestino sa Central Visayas namahayag nga lab-as pa sa iyang huna-huna ang nahitabo nga daw gibyaan sa ilang mga lider sa dihang nanawag sila ug tabang aron di mahurot ug kapatay sa ilang kaaway.
Ang PRO-7 mohimo ug mubo nga programa isip paghandum sa namatay nga sakop sa SAF.
Duha sa namatay mga sugbuanon nga sila si PO1 Romeo Cempron ug PO2 Wendel Candano.
