Banhawon na unya sa Police Regional Office -7 ang mga Drug Enforcement Unit sa kapolisan dinhi sa Central Visayas .
Buhaton ni sa PRO-7 human gipahibawo ni Presidente Rodrigo Duterte nga paintrahon na ug balik ang kapolisan sa kampanya batok sa ilegal nga drugas.
Ang Public Information Officer sa PRO-7 nga si Supt. Reyman Tolentin nipasalig hinoon nga sa higayon nga banhawon na ang mga DEU dili na makabalik sa maong unit ang mga pulis nga gidudahang nalambigit sa ilegal nga kalihukan .
Gipasalig usab ni Tolentin nga way mahitabong extra judicial killings subay sa pagbalik sa kapolisan sa kampanya batok sa ilegal nga drugas taliwa sa unang gipasangil ngadto sa kapolisan .
Facebook Comments
