Gimando ni Police Regional Office-7 Director , Chief Supt. Debold Sinas ngadto sa kapolisan sa Carcar City nga palabman pa ang imbistigasyon niini bahin sa pagpatay sa usa ka 18 anyos nga dalaga nga napalgan sa kasagbutan sa Barangay Guadalupe, Carcar .
Nakapaukay sa mga molopyo sa Sitio Sangi ang napalgan nga patay`ng lawas sa biktima nga nailhan nga si Ruby Trinidad nga wa nay underwear .
Ang biktima tinun-an sa Grade 11 sa Barangay Bolokbolok sa lungsod sa Barili.
Sa gihimo nga iksaminasyon sa medico-legal officer sa PNP Crime Laboratory nasuta nga nahilabtan ang dalaga , base sa mga ebidensiya nga nakuha niini.
Nagsusi na karon ang kapolisan kung kinsa ang katapusan nga gikauban sa biktima sa wa pa kini napalgi nga patay na atol sa pasko didto sa Carcar.
