Giklaro sa kapolisan sa Central Visayas nga wa sila makadawat ug hulga sa teroristang pagpangatake taliwa sa nagpadayong travel ban sa habagatang bahin sa lalawigan sa Sugbu .
Ang gobyerno sa Amerika nipagawas na usab ug travel advisory niadtong Septembre 22 nunot sa nadawat nila nga impormasyon nga adunay hulga sa pagpanagit sa ilang mga citizen.
Ang advisory nag-awhag sa mga turistang Amerikano nga likayan lang una ang pagbiyahe sa mga coastal area sa Southeast Asia usa na niini ang habagatang bahin sa lalawigan sa Sugbu .
Apan ang hepe sa Regional Intelligence Division sa PNP nga si Sr.Supt. Jonathan Cabal namahayag nga way angayang ikaalarma sa maong advisory sa Amerika ug nipasalig nga hugot nilang gibantayan ang mga turista nga moduaw sa mga tourist destination sa Sugbu .
