Dipolog City-Gilusad niadtong adlawng byernes sa PRO9 ang “ Isumbong mo, I-action ko”, nga kung diin adunay hotlines nga pwedeng makontak sa buot mo sumbong may kalabutan sa reklamo sa mga kremin ug batok sa mga pasaway nga mga pulis.
Butyag pa sa direktor sa PRO9 nga si Police Brigadier General Froilan F Quidilla, ang nahisgutan nga hotline tumong niini nga paspas ang pag responde sa kapulisan ngadto sa mga katawhan nga moreklamo o mo taho sa mga panghitabo sa palibot ug aron sab nga matabangan ang hanay sa pulis sa ilang internal cleansing program.
Ang PRO 9 hotline number mao ang 0997-3102-365 alang sa Globe subscribers ug 0961-2877-064 alang sa Smart subscribers Giawhag ang katawhan nga gamiton ang mao nga hotline para sa police assistance, reklamo, emergency concern, suhestyon ug pagtaho may kalabot sa kahapsay ug kalinaw.
Gipaniguro sa kapulisan ang tanan nilang madawat nga reklamo o impormasyon pinaagi sa ilang hotline lauman nga magpabiling kompidensyal ug lauman nga dali kining marespondehan.
Kini nga hotline 24/7 kining gimonitor sa kapulisan kinsa maoy gitahasan nga mo bantay sa mga madawat nga reklamo o taho.
Diri sa probinsya sa Zamboanga del norte didto kini gilusad sa Dipolog Sunset Boulevard, gitambungan kini sa mga nagdaiyang hepe sa kapulisan sa matag lungsod sakop ning probinsya.
