Ang Police Regional Office 9 (PRO9) ilawom sa pagpangulo ni Police Brigadier General Emmanuel Luis D Licup, padayon ang kampanya ug pakigbatok sa guinadiling droga.
Ning bag-ohay lang nagpagawas ug datos ang Regional Operation Division gikan sa bulan sa December 5, 2017 hangtod April 6, 2019, nga kung diin mo abot sa 2, 680 ka mga indibidwal ang nasikop tungod sa pagkalambigit sa guinadiling drogang shabu, may kalabutan sab kini sa Oplan Double Barrel program.
2, 336 niini ang naaresto tungod sa pagpayuhot ug drogang shabu samtang 344 ang naaresto usab tungodsa pag gamit ug drogang shabu, suma total 2, 336 ka mga indibidwal.
Sa 2, 028 ka mga operasyon nga gihimo sa kapulisan sa tibuok rehiyon 9 sa panahon sa Oplan Double Barrel target nila ang mga big time ug small time drug dealers nga miresulta sa 25 ka mga drug personalities ang namatay sa operasyon sa pulis.
Sa laing bahin ilawom sa Tokhang sa susama gihapon nga bulan, adunay 56, 173 ka mga mitahan may kalambigitan lang gihapon sa droga, 52, 213 niini mga tig gamitan ug droga ug 3960 usab ang mga tigpayuhot ug droga.
Sa kinatibuk-an nga mitahan sa tokhang 23, 469 niini ang gipailawom sa recovery ug wellness program intervention.
