Davao City – Mikabat sa 10 ka bayolasyon sa COMELEC Gun Ban, ang natala sa Police Regional Office (PRO-XI).
Gibutyag ni PRO-XI Spokesperson Police Major Catherine Dela Rey, sa maong ihap nag-una ang Davao City nga adunay 6 ka kaso, 1 sa Davao Occidental, 1 sa Davao Del Norte ug 2 sa Davao De Oro.
Sumala kang Dela Rey, sa napulo, tulo niini pinaagi sa buy bust operation, pito pinaagi sa sumbong sa mga residente batok sa mga tawong hubog nga nagdala og .45 pistola ug improvised handgun ug ang mga nagdala nga walay permit to carry.
Segun sa opisyal, kasong Illegal Possession of Firearms ug Omnibus Election Gun Ban, ang ipasakang kaso batok sa mga individual nga napriso na karon.
Pasidaan ni Dela Rey sa mga adunay armas nga mas maayong dili magdala, samtang anaa sa gawas sa ilang balay aron dili makasohan.
RadyoMaN Joel Viray
Facebook Comments
