Sa pakighinabi sa DXDC RMN Davao kang Police Major Catherine Dela Rey, tigpamaba sa Police Regional Office (PRO)-XI, iyang gibutyag nga anaa sa 3,000 ka Philippine National Police (PNP) personnel ang magbantay sa mga polling precinct sa rehiyon. Kini gawas pa sa mga personahe nga naka-standy nga magsilbing augmentation forces kung gikinahanglan.
“Lahi pa pud tong number sa kadtong on standby (personnel) kay full alert man ‘ta. Kanang 3,000 more or less sa pagkakaron, pwede pa gihapon na sya mag-change as the need arises,” matud ni Dela Rey.
Matud sa PRO-XI official nga adunay usay ginahimong city ug provincial coordinating conference ang nagkalain-laing Local Government Unit (LGU) sa Davao Region uban ang mga concerned agencies alang sa ilang pagpangandam sa umaabot nga piniliay.
RadyoMaN Kirby Manzon
