Davao City – Nagpabiling anaa sa alert level 3 o full alert ang Davao Region ug wala kini giubos sa mga awtoridad.
Atol sa interbyu sa RMN Davao kang Police Regional Office XI Regional Director Police Brigadier General Marcelo Morales gibutyag niini nga gimanduan niya ang tanang mga provincial ug city directors nga ikasa ang mga intesified police operations sa ilahang mga lugar subay sa Isulan Sultan Kudarat bombing nga niangol og 18 ka mga tao.
“Iyong nangyari sa Isulan ay pweding mangyari sa Davao at kahit saang lugae kaya’t hindi tayo pweding magbaba ng ating alertness dahil it can be taken advantage or it can be taken as an opportunity by the terrorist groups to perpetrate their various activities,” matud ni Morales.
Segun ni Morales nga makuting pagrekisa ang himuon sa tanang mga sakyanang sa mga fixed checkpoints sa rehiyon onse.
Nagbutang karon og dugang mobile patrol ug foot patrols nga mutuyok sa tanang mga areas aronmapugngan ang tanang mga diversionary attacks sa mga terorista.
Matud ni Morales gihugtan nila ang pakigkoordinar sa intelligence communities diha pagmonitor sa mga identified nga mga personalidad.
Naka-standby 24/7 ang EOD ug K9 units sa Davao City Police nga muresponde sa mga suspisyusong mga bagahe o mga kagamitan kini sumala pa kang DCPO head Police Col. Alexander Tagum.
Nakigkoordinar si Tagum sa tanang mga deputy mayors ug mga barangay officials kinsa maoy suporta kun force multipliers sa kapulisan sa seguridad sa entero syudad.
RadyoMaN Aimee Guinita
