Davao City- Naka-full alert na ang kapulisan ug andam na nga ipatuman ang maximum tolerance sa Police Regional Office kun PRO XI alang diha sa pagbantay sa seguridad sa katawhan subay sa paghinumdom ugmang adlawa sa ika-45th martial law commemoration nga gideklara ni kanhi Presidente Ferdinand Marcos kaniadtong September 21, 1972.
Gipamahayag ni Police Chief Inspector Andrea dela Cerna, tigpamaba sa PRO XI atol sa AFP-PNP Press Conference kaganina nga 95 porsyento sa kapulisan ready na nga i-deploy didto sa ilang mga assignments.
Nagpahimangno si dela Cerna ngadto sa mga progresibong grupo nga likayan ang pagdala og mga armas ug mahait nga mga butang gani dugang niya nga responsibilidad sa mga lider sa mga militanteng pundok nga siguraduhon nga dili madamay ang ubang tawo sa himuon nila nga kalihokan sama sa pagbabag sa dalan ug uban pang kalapasan.
Radyoman Don Pulayao
