Una na kining gikaalarma sa missionaries tungod apektado na ang mga tawo sulod sa KOJC ug ang pagtungha sa mga estudyante tungod matud pa nakadisturbo ang SWAT team nga naka-full battle gear nga alang kanila, lahi ra sa normal nga checkpoint.
Gani nangandam ang mga miyembro tungod sila nagtuo nga ang SWAT, gipadala ni PNP Chief Marbil ug ni PRO XI Regional Director PBGen. Nicolas Torre III aron gawas sa pagpangita kang Ptr. Apollo Quiboloy, maangkon usab matud pa sa otoridad ang ilang propyedad.
Sa media interview, gipasabot ni PRO XI Spokesperson Police Major Catherine Dela Rey nga strategy nila ang pag-deploy og SWAT isip kabahin sa police visibility ug pagsugpo sa kriminalidad pinaagi sa pagbantay sa entry point sa dakbayan.
“Any unit can be deployed po for operational activities including checkpoints. Officer led with marked vehicle and signage. If one would put negative meaning into it then would be negative. But if you will see it as one of the crime prevention activities then you can appreciate it as the police is doing its job po,” sulti pa ni Dela Rey.
RadyoMan Ivy Parido
