Sa interview sa DXDC RMN Davao kang Police Major Catherine Dela Rey, Spokesperson sa PRO-Xl gibutyag niini, subay sa datos nga gipagawas gikan sa Enero hangtod Pebrero 2024, niubos og 13.05% ang kinatibok-ang ihap sa krimen nga 3,352 kung itande sa nakalabay’ng tuig 2023 nga adunay 3,855.
Segun ni Dela Rey, adunay focus crimes nga 228 sa tuig 2023, samtang sa 2024 anaa lamang sa 215 sa kinatibuk-an diin adunay pag-ubos sa 5.70 porsyento.
Gipasabot sa opisyal, ang pag-ubos sa crime rate sa tibuok Davao region tungod usab sa epektibong pagpakgang sa krimen ug mas gipakusgang pagpatrolya, checkpoints, police visibility ug tabang sa komunidad pinaagi sa pagtunol og mga impormasyon ug mga adbokasiya aron malikayan ang krimen.
RadyoMaN Don Pulayao
