Davao City – Nakafull-alert status ang Police Regional Office XI ilabina nga i-selebrar sa New People’s Army ang ilang kasumaran sa ilang kamugnaan karong Marso 29. Gibutyag ni Police Regional Office XI spokesperson Police Chief Inspector Milgrace Driz nga gimanduan ni PRO XI Regional Director CSupt. Manuel Gaerlan ang tanang kapulisan nga magdoble igmat ug pahugtan pa ang pagbantay sa seguridad sa posibleng himuong pagpangataki sa mga miyembro sa rebeldeng pundok. Sumala ni Driz dili angay mo-kumpyansa ang mga ginsakpan sa kapulisan aron dili makahigayon ang mga NPA sa paghimo’g kasamok. Panawagan ni Driz sa publiko nga tabangan sila diha sa pagtunol og mga impormasyon ngadto sa mga tinugyanan sa balaud kun aduna silay mamatikdang kadudahang lihuk sa tawo ang ilang mga nahimutangan. RadyoMaN Aimee Guinita tags: dxdc 621 davao
