Davao City – Nagpadayon karon sa pagpangolekta og P10 matag personahe ilawom sa Police Regional Office (PRO-XI) alang ngadto sa mga biktima sa pagbusikad sa Taal Volcano.
Subay kini sa hangyo ni Philippine National Police (PNP) Officer-in-Charge Lt. Gen. Archie Gamboa nga mangolekta ug hinabang-pinansyal gikan sa mokabat 200,000 ka mga police personnel sa entero nasud atol sa Press Conference niadtong Lunes didto sa kaulohan.
Sumala ni Maj. Eudisan Gultiano, PRO-XI spokesperson, ubay-ubay na usab ang ilang nakolekta gikan sa 8,000 ka mga personahe sa PRO-XI.
Kahinumdoman nga gibuhat usab nila kini niadtong November 2019 subay sa nahitabong Magnitude 6.5 nga linog sa Central ug sa Eastern Mindanao nga gitay-og niadtong October 2019.
Gawas sa P10, laing P300 usab ang gikolekta gikan sa mga personahe sa PRO-XI alang usab sa mga nalinogan dinhi sa Mindanao.
RadyoMaN Jason Amisola
