PRO XI: Hugot nga proteksyon sa publiko gipasalig kontra alleged van kidnapping reports

Davao City – Niapelar ang Police Regional Office (PRO) XI sa publiko nga dili dayon mag-panic og basta-bastang mutoo sa mga dili beripikadong mga impormasyon ilabina sa social media.

Gibutyag ni Police Major Eudisan Gultiano, Police Regional Office XI spokesperson nga walay reported nga kidnapping kun ginadagit ug ginasakay sa van dinhi sa Davao Region sukwahi sa mga viral posts sa social media.

Gikumpirma ni Gultiano nga adunay reported nga missing persons apan tungod kini sa mga laing mga hinungdan subay sa gilusad nga imbestigasyon sa mga awtoridad.

Gipasalig sa PRO XI nga ilahang proteksyunan gayod ang katawhan pinaagi sa pag-intensify sa police visibility ug pagpahugot sa seguridad sa convergence areas ug mga eskwelahan.

Giawhag ni Gultiano ang publiko nga dili mag-post sa social media og unverified incidents inay kung adunay mga mamatikdang suspisyusong mga tawo o aktibidad ipadangat dayon kini sa mga awtoridad aron maaksyunan.

RadyoMaN Aimee Guinita