Sa datos sa Police Regional Office (PRO)-XI, gikan Abril 19-20, 2023, anaa sa 35 ka wanted persons ang naaresto.
Sa kampanya batok iligal nga droga, anaa sa 18 ang arestado diin anaa sa 22.581 gramos sa shabu ang nasakmit nga mukantidad og kapin P153,000.
Sa kampanya batok loose firearms, usa ang naaresto, duha ka eksplosibo ang nakuha ug upat ka firearms ang nakumpiska o gi-surrender.
Sa illegal gambling, walo ang arestado diin anaa sa P1,300 ang nakumpiskang kwarta.
Sa kampanya batok illegal logging, usa ang nadakpan diin anaa sa P9,000 ang nakuhang kantidad sa kahoy.
Samtang anaa sa 341 ang indibidwal nga naaresto nga nakalapas sa nagkadaiyang local ordinances.
Nagpasalamat usab ang PRO-XI sa padayong susporta sa publiko sa ilang kampanya batok sa iligal nga mga aktibidad.
RadyoMaN Kirby Manzon
