Nagpahimangno si PBGEN FILMORE B ESCOBAL, PRO 11 Regional Director sa tanang PNP personnel nga magpabiling Non-Partisan ug likayan ang pagpabor o paghatag og suporta sa mga kandidato inay tutukan ang paghatag og serbisyo aron pagkab-ot sa luwas nga eleksyon.
Samtang, nagpasalamat si Atty. Gay Enumerables sa kapulisan ug kasundaluhan sa pagpahugot sa seguridad taliwala sa hagit sa COVID-19 pandemic.
Sumala niini, ang KASIMBAYANAN nga inisyatibo dako og ikatabang aron magkahiusa ang tanang stakeholders alang sa non-partisan elections.
Nagpahigayon og Interfaith Prayer, pagdagkot og kandila, Covenant Signing ug pagpalupad og mga kalapati sa PRO 11 Grandstand, Camp Quintin Merecido ning dakbayan ang kapulisan kauban ang Commission on Election, Religious Sectors, Non-Government Agencies, Local Government Units, Political Candidates, Advocacy Support Groups ug uban pang mga Stakeholders.
Gilagdaan sa mga opisyal sa nagkadaiyang ahensya, organisasyon ug mga stockholders ang Pledge of Commitment alang sa secure, accurate ug patas ang himoong eleksyon sa Davao Region.
RadyoMaN Aimee Guinita
