Davao City – Dili lang alang sa mga law enforcement agency ang pagahimuong simultaneous exercise o Task Group Southern Storm karong buntag.
Sa pakighinabi sa DXDC News Team kang Police Regional Office (PRO-XI) spokesperson Police Chief Inspector Andrea dela Cerna nga kasamtangang nangandam sa aktibidad sa Abreeza Mall, Bajada ning syudad, gibutyag niini nga alang usab kini sa katawhan aron kanunay mangandam kung dunay mga hulga sa terorismo ug uban pang matang sa emerhensiya kalabutan sa seguridad.
Dugang ni dela Cerna nga pinaagi sa maong aktibidad masulayan ang katakos sa pagreak ug pagresponde sa security forces ug mga ordinaryong katawhan.
Sa maong aktibidad, lauman ang presensya ni PNP Chief Ronald Bato dela Rosa ug Davao City Mayor Inday Sara Duterte-Carpio aron mag obserba niini.
RadyoMaN Renz Barbarona
