Atol sa AFP-PNP Press Conference gahapon July 10, 2024, gibutyag ni PRO XI Spokesperson Police Major Catherine Dela Rey nga nakita ni Regional Director PBGen. Nicolas Torre III nga kinahanglan na og kabag-uhan sa officials dili tungod sa pulitika, dili tungod kang Quiboloy ug sa gikatahong taas nga kaso sa kriminalidad.
“Nakita niya ang need for changes sa mga station commanders maong gi-reassign niya ang uban, gipulihan. Walay labot ang pulitika, dili siya politically motivated. Dili pud siya personal. Dili pud siya related katong kang Quiboloy. Dili sad siya related sa statistics sa DCPO nga murder, homicide, ug rape cases,” sulti ni Dela Rey.
Gipanigurado usab ni Dela Rey nga walay angay kabalak-an tungod magpadayon ang nasugdang programa sa gipangbalhing mga opisyal. Ug magpadayon ang serbisyo sa PRO XI sa Davao region.
Subay niini, gibutyag sab ni Police Captain Hazel Tuazon, ang tigpamaba sa DCPO nga bisan og adunay kalisdanan, padayon ang pagtutok sa ilang tagsa-tagsa ka areas of responsibility.
RadyoMaN Ivy Parido
