Davao City- Dili mahinayon sa Lunes Setyembre 6, 2021 ang pagbisita ni PNP Chief PGEN Guillermo Eleazar sa Police Regional Office XI.
Matud ni Police Major Eudisan Gultiano, PRO XI spokesperson, tungod adunay prior commitment ang labaw sa PNP sa nasangpit nga petsa ug posibleng masibog ngadto sa ikatulong semana sa Setyembre ang aktibidad.
Subay niini, mu-request ang PRO XI sa LGU Davao alang sa exemption sa Executive Order No. 52, Series of 2021 sa pagdili sa mga face to face non-essential events sa dakbayan.
“May mga adjustments, we need to comply sa EO ng city para hindi natin ma-violate,” sumala niini.
Gitataw niini istriktong ipatuman sa PRO XI ang health protocols kontra COVID-19 diin gikinahanglan nga mupailawom sa antigen test ang mga musalmot sa aktibidad sulod sa PRO XI Headquarters.
Preparado na ang programa subay usab sa kasaulugan sa Police Service Anniversary.
Matud ni Gultiano, magpahigayon og awarding sa kapulisan ug blessing sa pipila ka mga buildings sa PRO XI.
RadyoMaN Aimee Guinita
