Davao City – Nagpabilin pa ang pulis sa balay tambalan kinsa samdan human gibanhigan ang ilang gisakyang toyota avanza color gray sa gituohang mga sakop sa New People’s Army didto sa Tagsagaong Bridge, Brgy Tomoaong, Tarragona, Davao Oriental.
Matud ni PRO XI spokesperson PCI Milgrace Driz nga mutunol og ayuda ang Police Regional Office XI ngadto kang PO1 Johny Morales personahe sa Bagangga Municipal Police Station.
Kahinumduman nga gipaulanan og bala sa napulo ka mga armadong tao ang sakyanan nila PCI Marcelito Batinggana ang station commander uban ang duha ka mga personahe niini kinsa pabalik na unta sila sa ilang istasyon.
Nibalos ang mga pulis apan nahagbong ang ilang sakyanan sa pangpang.
Nilungtad og 2 ka minutos ang binakbakay sa pulis tali sa mga giingong sakop sa NPA.
Human nga nakaiskapo ang mga biktima dali silang nagpatabang sa DOPPO aron ireport ang insidente.
RadyoMaN Aimee Guinita
