Davao City – Nagdugang og mga personahe ang Police Regional Office XI sa mga gi-identipikang mga Election Watchlist Areas (EWAs) sa Davao region.
Sumala ni PRO-XI Davao spokesperson Eudisan Gultiano, kini aron mabantayan ug masiguro nga walay mahitabong kasamok sa maong mga lugar tungod sa eleksyon. Gipakusgan ang police visibility sa maong mga lugar lakip na ang paglusad og checkpoints.
Sumala ni Gultiano, adunay unom karon ka mga lugar sa Davao Region ang gipailawom sa EWAs, nga gilangkuban sa Pantukan ug Monkayo sa Davao de Oro; ug Digos City, Matanao, Kiblawan, ug Magsaysay sa Davao del Sur.
Ang maong mga lugar giilang watchlist areas tungod sa history of election-related violence, political rivalries sa mga kandidato ug hinterland areas diin adunay presensya sa mga terror groups.
RadyoMaN Aimee Guinita
Facebook Comments
