PRO XI naka-full alert status sa implementasyon sa f2f classes

Davao City – Gimanduan ni Police Brigadier General Benjamin H. Silo Jr., Regional Director sa Police Regional Office XI, ang tanang provincial ug city directors sa pagpatuman sa hugot nga seguridad sa mga eskwelahan sa pag-arangkada sa full implementation sa in-person classes karong adlawa, Nobyembre 2, 2022.

Matud ni Silo, andam na ang tanang pulis para masiguro sa safety ug security sa matag eskwelahan sa face-to-face classes.

Gitahasan niini ang kada hepe nga makigkoordinar sa mga school administrators sa paghatag sa mga gikinahanglang mga asistensiya.

“May particular kaming security plan para dito and we maintain our coordination to different schools para makaagapay ang PRO XI sa buong Davao Region,” matud ni Silo.

Daghang mga pulis ang ipang-deploy ug magpatrolya sa kada eskwelahan aron daling makaresponde ug matabangan ang mga magtutudlo, estudyante ug mga ginikanan.

Ilawom sa Department of Education Order (DO) No. 44, magsugod karong adlawa, Nobyembre 2, ang full implementation sa in-person classes sa mga pampublikong eskwelahan samtang gihatagan ang mga pribadong eskwelahan og option kung ilahang ipadayon ang blended learning modality.

RadyoMaN Aimee Guinita