Davao City – Giimplementa na sa Police Regional Office XI ang Oplan SumVac kun Summer Vacation 2018 aron maseguro ang kahapsay og kalinaw sa publiko atol sa paghinumdum sa Semana Santa ug sa summer vacation.
Sa interbyu sa DXDC RMN DAVAO kang PRO XI spokesperson PCI Milgrace Driz naka-full alert na ang tanang kapulisan sa rehiyon onse.
Sama sa naandang seguridad matag bakasyon no leave policy ang mga personahe subay kini sa maximum deployment sa tanang simbahan, tourist destinations, beach resorts, pantalan ug tanang terminals.
Gitutukan sa kapulisan ang mga aktibidad sa mga simbahang katoliko nga libuan gayod ka mga deboto ang muapil sa Siete Palabras, Way of the Cross hangtod na sugat karong Dominggo.
Sumala ni Driz nakapatrolya ang gipangdeploy nga mga tourist police sa mga lugar nga dagsaon sa mga tao.
Subay niini pahidumdum sa opisyal sa tanan nga makigkoordinar sa mga awtoridad ug mutuman sa mga balaod nga giimplementar sa tanang lugar aron mamahimong hapsay ug malinawon ang paghinumdum sa Semana Santa.
RadyoMaN Aimee Guinita
