Sumala ni PRO XI Spokesperson Police Major Eudisan Gultiano, dako usab ang natabang sa Revitalized-Pulis sa Barangay aron mabatukan ang problema sa insurhensiya sa dakbayan.
Magpadayon ang koordinasyon sa kapulisan sa ilahang mga counterpart sa AFP, Local Government Unit ug mga stake holders aron magpabiling hapsay ug luwas ang dakbayan.
Matud ni Gultiano, usa usab sa hinungdan nga gikonsidera ang syudad nga election area with no concern, tungod cleared kini sa hulga sa local terrorists groups.
Kahinumduman nga gipasigarbo ni Maj. Gen. Nolasco Mempin, 10th Infantry “Agila” Division (10ID) Philippine Army commander, nga cleared na ang dakbayan kun “insurgency-free” ang dakbayan kontra sa New People’s Army (NPA) una pa man ang deadline ni President Rodrigo Duterte.
RadyoMaN Aimee Guinita
