Gikumpirmar ni Police Regional Office XI Spokesperson Col. Catherine Dele Rey nga nagtagbo karong adlawa ang maglangkob sa Regional Joint Security Control Center sa Commission On Election (COMELEC)- XI alang sa Barangay ug Sangguniang Kabataan Election.
Nagkanayon si Col. Dela Rey nga gipahigayon karong buntag ang Regional Coordinating Conference diin pangunahan sa PRO XI, AFP ug COMELEC XI sa World Palace, Ecoland ning syudad sa Dabaw.
Gibutyag usab sa tigpamaba nga dili abli sa mga membro sa tigbalita ang konperensya diin paga umulon ang mga giya ug pagpangandam alang sa hapsay ug hinlo nga piniliay sa Barangay karong Oktobre 30, 2023.
Hinuon gipasalig sa opisyal nga kun mahuman na ang konperensya iya gilayon kining isabwag sa mga tigbalita aron masayran sa mga botante ingun man mga kandidato sa Barangay ang mga giya ilabina kadtong mu-file sa ilang Certificate of Candidacy karong Agosto 28 hangtud sa Septembre 2, 2023.
RadyoMaN Erin Lumosbog
Facebook Comments
